UKK 2014

UJIAN AKHIR SEMESTER II (GENAP )

Mata Pelajaran           : Bahasa Sunda

Kelas                            : X (semua jurusan)

Sunan Ambu di kahyangan boga anak lalaki, kasép taya papadana, ngaranna Guruminda. Hiji peuting Guruminda ngimpi patepung jeung awéwé geulis, sarupa jeung Sunan Ambu. Guruminda tuluy dititah turun ka buana panca tengah, gubragna di nagara Pasir Batang nu diheuyeuk Mas Prabu Tapa Ageung. Ieu raja boga tujuh anak, awéwé wungkul. Anu bungsu ngarana Purbasari nu pangbageurna, panggeulisna.

Purbasari kapilih pikeun ngaganti raja. Éta kaputusan téh nimbulkeun pasirikan lanceuk-lanceukna, utamanana Purbararang. Purbararang tuluy nyieun réka perdaya, sangkan Purbasari turun tina kalungguhan. Ahirna Purbasari disingkahkeun ka Gunung Cupu.

Hiji poé, Purbararang nitah ngala Lutung ka Aki Panyumpit, t

api anéh di leuweung ngadak-ngadak euweuh lutung téh, padahal biasana lutung loba tinggurayang, keur kitu aya lutung hiji keur guguyurangan dina tangkal. Ku Aki Panyumpit disumpitan, tapi teu daék beunang. Aki Panyumpit leuwih kaget deui waktu ngadéngé lutung téh bisa ngomong. Lutung ménta dibawa ka karaton.

Waktu si lutung dék dipeuncit di karaton, kacida lulumpatan ngaruksak barang-barang di karaton. Lutung dibawa ka leuweung pikeun maturan Purbasari. Ku lutung dipangnyieunkeun karaton anu kacida éndahna. Nénjo kitu Purbararang kacida ambekna.

Purbasari diajak rupa-rupa lomba. Ti mimiti ngabendung leuwi, ninun, pangeulis-geulis, tapi ku bantuan si Lutung, Purbasari tetep meunang. Lebah dieu Purbasari bingung, sebab kabogoh Purbararang téh satria gandang anu ngaranna Indrajaya. Ari pasangan Purbasari apan Lutung. Waktu Purbasari arék dihukum mati, si Lutung robah wujud jadi Satria gagah nyaéta Guruminda. Ahirna Purbasari jeung Guruminda jadi Raja di nagara Pasir Batang.

1.    Jejer tina dongéng di luhur nya éta ….

a.       monyét kasarung                   c. lutung kasasab                              e. lutung kasarung

b.      peucang kasarung                 d. lutung leutik

2.       Kunaon sababna Guruminda diturunkeunkeun ka buana panca tengah?

a.       Hayang papanggih jeung awéwé impianna

b.      dipiwarang ku Sunan Ambu                              d. ditungguan ku Purbasari

c.       sangkan ngadeg jadi raja                                    e. keur maturan Purbarara

3.       Saha nu dititah néangan lutung ka leuweung ku Purbararang?

a.       Aki Panyumpit        b.  Aki Léngsér                   c. Aki Semar       d. Purbasari        e. Purbastiti

4.       Kunaon sababna Purbasari diusir ka Gunung Cupu?

a.       Sangkan Purbasari turun tina kalungguhanana

b.      Sangkan Purbasari panggih jeung lutung                     d. Sangkan Purbasari kalaparan

c.       Sangkan Purbasari panggih jeung Tapa Ageung        e. Sangkan Purbasari leuwih siap jadi raja

5.       Waktu Purbasari rék dihukum mati, Si Lutung robah wujud jadi jelema, Purbasari ngadeg raja di nagara ….

a.       Pasir Bata                  b. Pasir Batangan             c. Pasir Batang      d.  Kahyangan      e. Buana Panca Tengah

6.       Watek anu dipimilik ku Purbararang mangrupa sipat anu goréng. Hal goréng kudu jadi …keur kahirupan.

a.       Picontoeun               b. Tuladaneun      c. Pieunteungeun         d. Piénténgeun                 e. pipanyakiteun

7.       Dongéng téh sumebar ku cara lisan, istilahna sok disebut ….

a.       Tatapéla                     b. Tatalépa         c. Pabéja-béja      d. Tinulis           e. Ahistoris

8.       Dongéng nu eusina nyaritakeun jalma bisa nu ngabogaan sipat teu lumrah jeung nu lian, nya éta dongéng….

a.       Fabel                           b. Parabel           c. Pamuk                              d. Sagé                 e. Sasakala

9.       Sedengkeun dongéng anu dijerona nyaritakeun ngeunaan asal mula hiji tempat, kajadian, jeung barang, disebut dongéng …..

a.       Fabel                           b. Parabel            c. Pamuk                              d. Sagé                 e. Sasakala

10.   Datang kanyahoan, balik kanyahoan, ménta idin heula.

Babasan atawa paribasa nu pantes keur ngagambarkeun harti di luhur nya éta …..

a.       Buruk-buruk papan jati

b.      Datang katingali tarang, undur katingali punduk

c.       Cikaracak ninggang batu laun-laun jadi legok

d.      Adéan ku kuda beureum

e.      Abang-abang lambé

11.   “ Hadé gogog hadé tagog”

Harti tina babasan paribasa di luhur nya éta ….

a.       Goréng-goréng gé dulur sorangan

b.      Hadé basa, parangi, sikep, nyaho tata-titi

c.       Ku leukeun mah sagala nu hésé gé jadi bisa

d.      Aya tujuan lain

e.      Sarua layeutna atawa geugeutna

12.    “Ari hirup mah kudu bisa pindah cai pindah tampian”, hatina ….

a.       Getol dina pagawéan nu anyar

b.      Getol dina diajar

c.       Bisa narimakeun kana kakurangan diri

d.      Bisa ngaluyukeun diri kana adat jeung kabiasaan di tempat anyar

e.      Bisa nahan diri nalika ambek

13.   “Ari hirup téh ulah sok sombong, ngarasa aing pangpinterna, pangbeungharna, panggedé pangkatna”

Babasan atawa paribasa nu pantes keur harti di luhur nya éta ….

a.       Panjang leungeun    b. Panjang létah            c. Gedi bujur         d. Gedé haté                  e. Gedé hulu

14.   “Geus dipapatahan sababaraha kali gé tetep si éta mah teu robah-robah kabiasaanna téh”

Paribasa nu pantes keur ngagambarkeun harti di luhur nya éta …..

a.       Adéan ku kuda beureum                    d. Adat kakurung ku hulu

b.      Adat kakurung ku iga                            e. Adat kakurung ku beuteung

c.       Adat-adatan da dicarékan

15.    “ Pa, punten abdi badé ….. ti payun, dupi bapa badé iraha ….

a.       Mulih, wangsul       b.  Mulih, balik       c. Mulih, datang            d.  Permios, wangsul      e. Wangsul, mulih

16.   “Bapa nuju …. Sareng pais lauk, abdi nuju ….. sareng semur jéngkol, pun adi nuju ….. sareng endog.

a.       Tuang, neda, emam                              d. Neda, tuang, dahar

b.      Dahar, nyatu, kulem                             e. Kulem, mondok, bobo

c.       Mulih, wangsul, uwih

17.   Ibu badé …. ka Bandung ayeuna? Abdi mah badé …. Énjing wé sareng pun adi.

a.       Indit, miang              b. Angkat, mios                     c. Angkat, mulang         d.  Balik, mulang       e. Pupus, ngantunkeun

18.   Sandiwara di tatar Sunda anu omonganna dihaleuangkeun make pupuh tur dipirig ku alat musik ....

a.       Gendingkaresmén                                b. longer              c. tunil                   d.  gondang        e. drama

19.   Omongan palaku dina drama ka dirina sorangan, disebut ....

a.       Prolog                         b. katerangan                    c. palaku              d. monolog         e. dialog

20.   Bagian tina babak nu ditangtukeun ku datangna atawa inditna palaku dina drama, disebut ....

a.       adegan                       b.  katerangan                   c. dialog                d. epiloh              e. prolog

21.   Eusi carita drama nu nyaritakeun hiji kajadian pikasediheun, disebut ....

a.       komedi                       b. parodi                              c. carita                 d. longer              e. tragedy

22.   Anu teu kaasup bédana dongéng jeung carita pondok téh nya éta …

a.       Dongéng mah caritana panjang carpon mah caritana pondok

b.      Dongéng mah karya sastra heubeul, carita pondok mah karya kiwari

c.       Dongéng mah loba unsure pamohalanana, carpon mah kahirupan nyata

d.      Dongéng mah euweuh pangarangna, carpon mah aya pangarangna

e.      Dongéng mah jarang nyaritakeun manusa, carpon mah umumna nyaritakeun kahirupan manusa

23.   Carpon téh mangrupa bagian tina carita prosa ….

a.       arguméntasi             b.  déskripsi                        c. narasi               d. éksposisi         e. pérsuasi

24.   Buku kumpulan carpon nu pangheulana medal judulna ….

a.       Saratus carpon sohor           d. Dogdog Pangréwong

b.      Si Leungli                                   e. Bagong Bayangan

c.       Katunggaraan

25.   Carita pondok nu pangheulana medal/terbit dina majalah….

a.       Priangan                    b.  Cupumanik                   c. Sipatahunan                  d.  Kujang            e. Manglé

26.   Carpon “Jajatén Ninggang Papastén” dikarang ku ….

a.       RAF              b.  Rus Yusyana                 c. RAP                   d.  Ayatrohadi                    e. Yus Rusyana

27.   Sanggeu hidep maca carpon “ BULAN WANCI SAREUPNA” rasa naon aya dina éta carpon ….

a.       Yakin jeung bungah                              c. ambek jeung nyeri hate           e. Bingung jeung sedih

b.      handeueul jeung bungah                   d. Teu puguh rarasaan

28.   Anu teu kaasup kana amanat nu hayang ditepikeun ku pangarang ka nu maca dina Carpon “ BULAN WANCI SAREUPNA “ nya éta …

a.       Hirup mah bakal manggihan maot                  d. Kudu bisa narimakeun hirup

b.      Kudu téga ninggalkeun kawajiban                 e. Hirup mah kudu daék ihtiar

c.       Tong kabibita ku hal nu can puguh

29.  ....

Pindah ka alas peuntas. Néangan hirup jeung huripna. Di ditu, di tempat nu ayeuna rék dijugjug. Ukur éta anu aya dina ingetan kuring mah. Sabab rék ka mana deui, ari lain transmigrasi mah. Kawasna Pa Lebé saparakanca kapincut ku dongéng Mang Satibi baréto. Puluhan taun ka tukang, Mang Satibi kungsi indit ninggalkeun lembur. Anu séjénna mah, harita, kalah ka tingbirigidig diajak nyorang sagara téh. Ngan Mang Satibi anu beunang disebut nékad. Inditna kadua pamajikan. Henteu mawa bekel nanaon. Heuleut lima taun ti harita, Mang Satibi nganjang deui ka lembur. Terus ngadongéng, kumaha senangna di alas peuntas. Cék dongéng Mang Satibi, di ditu téh manéhna geus bisa nyieun gedong, meuli motor, meuli sawah jeung tanah. Padahal pagawéan sapopoéna mah henteu hésé, ukur ngurus kebon sawit.

….

Maksud tina sempalan Carpon di luhur Mang Satibi indit ka alas peuntas milu program ….

a.       Nepungan dulurna                                c. Ngolah kebon sawit                    e. Ngarobah hirup

b.      Imigrasi                                      d. Transmigrasi

30.   Puseur implengngan/sudut pandang nu kagambar dina sempalan carita pondok di luhur nya éta ….

a.       Jalma kahiji              d. jalma kaopat                 c. Jalma kadua     d.  Jalma kalmia               e. Jalma katilu

Essay

1.      Tuliskeun 5 rupa cirri-ciri carpon!

-          Museur kana hiji kajadian utama

-          Mangrupa hiji episode

-          Caritana henteu loba pamohalan

-          Sastra tulisan

-          Bisa réngsé dibaca dina sakali mangsa

2.      Tuliskeun 3 ngaran-ngaran pangarang Carita pondo!

Yus Rusyana, Usep Romli. Wahyu Wibisana

3.      Tuliskeun 4 rupa wangun drama dumasar kana sipatna!

Komedi, tragedy, Melodrama, Farce

4.      Naon anu dimakasud prolog, jeung epilog? Pék jelaskeun!

Prolog= katerangan awal ngenaan katerangan carita, suasana dina drama jst

epilog ditempatkeun di tukang, mangrupa panutup. Eusina biasana kacindekan pangarang ngenaan carita ; aya oge nu ditambahan ku wejangan atawa amanat. Malahan aya epilog nu duwuwuhan ku panuhun pangarang jeung para pamaen ka nu lalajo

5.      Pék lengkepan tabel Ragam Basa Hormat di handap!

Basa Loma	BHKS	BHKBS
aki	pun aki	……tuang eyang…….
beuteung	……padaharan/beuteung………	patuangan, lambut
…………datang………	dongkap	sumping
…………era………	isin	…………lingsem……….